| |
| Cafer Şeyh Mustafa: Em ji deverên ku pêşmerge rizgarkirine venakişin! |
 |
| 2016-10-19 08:58 |
| MediaKurd > info@mediakurd.com |
|
19/10-2016- Musil
Komandarê pêşmerge Cafer Şeyh Mustafa, ragihand ku devera ku pêşmerge bidest xistine ji xeynî hêze pêşmerge ew qebûl nakin tu hêzek dî li wir bimînin û pêşmerge ji wir dernakevin.
Cafer Mustafa dibêje: Li gor peymana wan digel Iraqê kirine, gava operasyona eskerî tewa bû hêza Iraqê dê ji deverê vekişe û wê li wir bes hêza pêşmerge bimîne.
Û wê pêşmerge ji wir navekişe.
Li aliyê dî jî Cafer Mustafa piştrast kir ku di operasyona Musilê ji xeynî hêzên pêşmerge û yên Iraqê tu hêzen dî beşdar nebûne.
Li ser pirsa:
"Gelo li wan deverên ku pêşmerge bidestxistine hêza Iraqê bicih dibe?"
Komandarê pêşmerge weha got:
Li gor peymana wezareta pêşmerge digel wezareta parastina Iraqê de deverên ku rê li ber pêşveçûna hêza Iraqê asantir bike, dê hêzên Iraqê li hindek deveran bichih bibe û bargehan li wir pêkbîne.
Cafer Mustafa got:
Lê ez dixwazim pişrast bikim ku piştî tewakirina operasyona Musilê, tu hewceyî bi mayina hêza Iraqê li wan deveran namîne.
Ji ber ku pêşmerge dê li wir be.
Cafer Mustafa berdewam kir:
Herweha li gor peymana me digel Iraqê ew e ku piştî operasyonê dê hêza Iraqê vekişe.
Û pêşmerge ji deverên ku rizgarkirine dernakevin û tu hêzên dî dê li wir nemînin.
Lê em ji bo hevkariyê herdem amade
ne. |
|
|