| |
| 25ê Îlonê roja referandûma serxwebûnê ye |
 |
| 2017-06-07 19:30 |
| MediaKurd > info@mediakurd.com |
|
7 Hezîrana 2017an, nûnerên bilind ên partiyên siyasî yên di nava parlemento de, Hikûmeta Herêma Kurdistanê, Cîgirê Serokê Herêmê, Serokê Hikûmet û Serok û Cîgirê Komisyona Bilind a Hilbijartinên Kurdistanê, ligel Serokê Herêma Kurdistanê Mesûd Barzanî li Hewlêrê civiyan.
Di civînê de beşdarên civînê bîr û nêrînên xwe li ser pêwîstiya referandûmê û çareserkirina pirsgirêkên navxweyî yên herêmê anîn zimên.
Di civînê de, beşdaran bi piranîya dengan li ser van xalan lihev kirin:
Yekem: Roja 25 Îlona 2017an wek roja encamdana referandûmê li Herêma Kurdistana Iraqê û navçeyên Kurdistanî yên li derveyî rêveberiya herêmê hat diyarkirin.
Duyem: Ji roja bidawîbûna civînê û heta dema birêveçûna referandûmê, alîkarîyê ji bo karakirina parlemento û çareserkirina pirsgirêkên siyasî bikin, ew jî ji bo bidestanîna komdengiyek niştimanî.
Sêyem: Teqezî li ser çakkirina jiyana xelkê û rewşa aborî ya welatiyên Kurdistanê, mûçexur, çîn û hejaran hate kirin.
Çarem: Biryar hat dayîn ku pêkanîna Encûmena Bilind a referandûmê bi Serokayetiya birêz Mesûd Barzanî bê kirin. Herwiha biryar hat dayîn ku heta rêkefta 12.06.2017 partiyên siyasî nûnerên xwe ji bo beşdarbûna çend komîteyên taybet ji bo referandûm û piştî referandûmê diyar bikin.
Partiya Demokrat a Kurdistanê
Yekîtiya Niştimanî a Kurdistanê
Yekgirtûya Îslamî ya Kurdistanê
Tevgera Îslamî ya Kurdistanê
Partiya Şiyo"î (Sosyalist) a Kurdistanê
Partiya Sosyalist Demokratî Kurdistan
Partiya Zehmethêşanî Kurdistan
Partiya Karkeran û Rencderan a Kurdistanê
Partiya Çaksazî ya Pêşkefto ya Kurdistanê
Lîsta Hewlêr a Tirkmenan
Bereya Tirkmenên Iraqê
Lîsta Geşepêdanê a Tirkmenan
Lîsta Ermen di Parlementoya Kurdistanê de
Tevgera Demokratî a Aşûrî
Encûmena Gel a Kildanî a Aşûrî
|
|
|