Skip Navigation Links
Kurdî » Nivîsar : Milet qeşitandina serokên kurdan dixwaze
 
Milet qeşitandina serokên kurdan dixwaze
2011-07-21 01:44

Qado Şêrîn

Şoreşa Sûryeyê di meha çaran deye, rojane ciwan li kolanan tên kuştin, çarenûsa bi hezarên girtiyan ne diyar e, hîna jî serok û rêberên ereban mîna keviran bê helwest û bê deng in.

Li Sûryê bêtir ji sê milyon kurd dijîn, ew jî ji hemû mafên xwe yên rewa bê parin. Serokên me kurdan jî mîna serokên ereban li dijî rêjîmê bê helwest û bê deng in.

Em ji serokên ereban helwest û dengbilindkirinê li dijî rêjîma Beşar Esed dixwazin, lê serokên me jî ji bo me kurdên rojava hîna bê deng û bê helwest in. Serokên me jî hema hema wek serokên ereban in, êdî guhertin û avêtina wan ji berjewendiya me kurdan e.(kurmê darê ne ji darê be dar kurmî nabe).

Serokên me yên ku gelek kurd bi qoqê wan sûnd dixwin û navên wan ên mîxkirî li zarokên xwe yên bêguneh dikin, mîna Barzanî, Talbanî û Ocalan, mixabin hîna ew jî bê deng û bê helwest in.

Bi gumana min serok Barzanî, Ocalan û Talbanî baş dizanin bê kurdên rojava çi ji wan re kirine. Barzanî û Talbanî baş dizanin ku sedema bingehîn a serhildana 12ê adarê ew bûn. Êdî ji wan tê xwestin ku xwedî li birayên xwe yên kurd derkevin.

Serokên me dikarin rolek dîrokî bilîzin, ew dikarin serok û rêberên partiyên rojava bînin ba hev û helwest û gotara wan di dema şoreşê de bikin yek, çimkî em ji her demê bêtir, îro hewcedarî yekkirina helwest û gotara kurdî ne. Eger serokên partiyên rojava di nêzîktirîn wext de biryara kurdî nekin yek, ew ê li ber lehiya laneta berpirsyariya dîrokê biçin.

Bi gumana min, serok û merokên me kurdan jî mîna yên ereban kevn bûne, gelek pirsgirêkên me ji dû serê wan in, hin bûne diktator in biçûk, hin serok in ta ebed(wek serokên ereban), hin xurifî ne, dem ne dema wan e, êdî gerek bên guhertin. Di berjewendiya miletê kurd deye ku bên avêtin. Ew bûne sedema pirsgirêkên kurdan, eger ne ji wan be miletê kurd hemû yek deng, yek helwest û yek can e.

Miletê nikaribe ji wan serok û merokan baştir bide, ew milet nehêjaye bijî. Êdî bila ji biçûktirîn serok ta bi mezintirîn serok bê guhertin..avêtin..qeşitandin, eger rewşa kurdan baştir nebû ezê şeş pîvazan bi guhên xwe vekim.

20/07/2011
Qado Şêrîn
Qado Şêrîn: Pêşî nakokiyên partiyan, dûre pirsa gel çareser dibe
Qado Şêrîn: Pêşî nakokiyên partiyan, dûre pirsa gel çareser dibe
Qado Şêrîn: Kurdên bakur çi bikin baş e
Siberoja reşbîn
Biratiya kurdan qediya
Çilrojiya Arşev û gazina ji nivîskaran
Gazin...(Arşevê Oskan)
Serê Kanyê û rûreşiya me
Bû du car Isma'îl Omer dimre!
Li Amûdê hemû pel şewitîn
Wexta tiving biaxivin
Reşbîn e, sedem partî ne
Pkk-Pyd û xirecira dîrokî
Wefadariya zindiyan bo miriyan
Yekîtiya Nivîskaran xewne!
Mixabin rewşa me ev e!
Partîno me biparêzin
Heçê ne bi me re, li dijî meye
Ji facebooka min a 2011an
Qedera zavayekî penaber
Tevgera me kilê çavê me ye, eger..
Serçimandina me M. Temo kuşt
Dema Şer qediya
Milet qeşitandina serokên kurdan dixwaze
Axaftina çi, ziqûma çi?
Bang ji bo malperên kurdî
‘’Îna Azadî’’ kurd azad kirin
Rexne; Rovî û sûk
Rêjîma kevir li ser kevir nehêle
Qado Sêrîn: Sûriye ya taybet, nûjen dibe!
Sûriyê ya taybet, nûjen dibe
Texmînên sala nû
Terorîzim. Teba çûn, terorîst hatin
Boykot, piştî çi?
Qado Şêrîn: Gotinê êvara dikevin qulê dîwara!
Qado Şêrîn: Gotinê êvara dikevin qulê dîwara