Skip Navigation Links
Kurdî » Nivîsar : Dema Şer qediya
 
Dema Şer qediya
2011-09-02 00:45

Qado Şêrîn

Êdî bi destên vala, sêngên tazî û xwepêşandanên aştiyane jî milet dikarin mafan bistînin.

Carekê Osman Baydemir gotibû: "Hêzên çekdarî dema xwe tijê kirine"
Wê wextê, Serokê PKK-ê Abdullah Ocalan ji Îmraliyê bersiveke tund şand ji serokê şaredariya bajarê mezin ê Diyarbekir Osman Baydemir re ku wî çima gotibû "Dibêjin hêzên çekdarî dema xwe tijê kirine"( http://www.netkurd.com/?mod=news&option=view&id=6019 )(ji netkurd) , dêmek ne ji mafê kesî ye bîr û boçûnên xwe bibêje, û helbet berjewendiyên Pkk di berdewamiya şer de hene taku axaftina di rawestandina şer de jî qedexe dike.

BDP jî nikare biryarên di derbarê rawestandina şer de bistîne, belkî nikaribe axaftinê jî têde bike. Bi gumana min BDP nikare siyaseteke serbixwe jî bimeşîne, û axaftinê li ser biryarên çarenûsî bike, ew biryar jê mezintirin.

Pkk gelek caran şer ji aliyê xwe ve rawestandiye, ew biryar û kiryar in baş bûn, lê tirkan rojekê jî nexwestine şer rawestînin, dêmek berdewamiya şer di berjewendiya tirkan deye, tirkan rojekê jî nexwestine şer raweste, tirk ji dû wî şerê ku qaşo şerê li dijî terorîstan e, gelek qezenciyan ji Europa û Emerîka digre, dêmek şerê çekdarî nema di berjewendiya pkk deye, wek ku di berjewendiya tirkan deye. Her du alî jî tim li xesaretê ne, eger lîsk in veşartî tune bin dê her du alî nikaribin pişta hev deynin. Û dawiya dawî dê şer bi diyalogê bi dawî bibe.

Pkk dibêje ew ji bo azadiya miletê kurd û rêzgarkirina Kurdistanê şer dike, başûr jî Kurdistan e, lê xuyaye PKK û PJAK berjewendiyên Herêma Kurdistanê li ber çavan nagrin, dêmek li dijî berjewendiyên Herêma Kurdistanê digerin. Her kes dizane ku Tirkiye nikare Qendîlê tune bike, tenê dixwazin îradeya hikûmeta Kurdistanê qels û lawaz bike, an jî dixwaze Pkk û hikûmeta Kurdistanê şerê hev bikin. Ji bo vê xalê ji Pkk tê xwestin ku agahdar be û kurdên başûr neke dijmin ji xwe re.

Pirsgirêka Pkk ew e ku li dengên din guhdarî nake, tim wek xwe dike, eger şaş be jî wek xwe dike, taku mirov gelek caran guman dike ku Pkk bê lêkolîn û li dij berjewendiyên kurdan tevgerê dike. Wek mana li Sûriyeyê û Qendîlê.

Heşt hezar kes ji rojavayê Kurdistanê ji bo rêzgarkirin û serxwebûna Kurdistanê hatin kuştin û ne ji bo mafê ziman, xweseriya demuqratîk û azadiya Ocalan. Bi gumana min mirov dikare mafê ziman bi şêweyên aştiyane jî bistîne, wek ku BDP rojane ji bo ziman diqîre û dikare ji hindurê parleman û ji zexta Europa û Emerîka bistîne. Bi gumana min dê Tirk ji bo berjewendiyên xwe rojekê ji rojan Ocalan serbest û azad bikin, belkî ew roj ne dûr e, wek ku Ehmed Turk jî anîbû ziman.
Rêjîma Ben Elî li Tûnisê, ya Husnî Mubarek li Misrê bi şêweyên aştiyane rûxiyan.

Eger kurdên bakur wek miletên Tûnis, Misir, Lîbya, Sûriye û Yemenê bikin, dê bêtir dost û hevalan li dor xwe bibînin, dê ji her rojê bêtir kurdan li dor xwe bibîne, hemû kurdan, û dê encam û berhemên baş biçine.

BDP dikare şer bi şêweyê aştiyane di parlementoyê de bike, Europa dê li pişt be. Her wisa kurd dikarin bi şêweyê aştiyane dakevin kolanan, wê wextê dê dunya hemû li pişt wan be. Şerê çekdarî sî salî berdewam kir, her du aliyan ji têkçûn û xesaretê tiştek din bi dest nexistin, êdî dem dema şerê aştiyane ye.

Eger kurd bi melyonan ji Istanbolê ta bi Nisêbînê bi berdewamî û bi sêngên tazî dakevin kolanan dê bêtir bala dunyayê bikşînin, dê bêtir mafan bistînin, wek çilo miletên buhara ereb rêjîman dirûxînin û azadiyê tînin.

Li Misirê, Tûnis, Lîbya, Sûriye û li Yemenê milet bi aştiyane daketin kolanan, li hinan bi ser ketin û li hin ên din jî dê bi ser bikevin, rêjîman jî kuştin kirin, tirba xwe kolan, çimkî dunya tim bi miletan re ye, serok û rêjîm diçin lê milet dimînin û bi ser dikevin. Her wisa li Tirkiyê jî dikare wisa bibe.

Parlamenterê BDPê yê Şirnexê Hasip Kaplan, dibêje: ‘‘Ev bû sê roj e em li Xabûrê ne. Gel şer naxwaze. Dema ku dayîkek destê fermandarekî digre û pê re bi kurdî diaxife, ev yek li ser herkesî tesîr dike. Bila leşker jî xort jî jîyana xwe wenda nekin. Ev bû 30 sal e em êşê dikşînin...‘‘(http://www.rizgari.com/modules.php?name=News&file=article&sid=31211#bg ).

Li dawî, bi gumana min dema şerê çekdarî qediya, gel şer naxwaze, ji tecrubeyên Tûnis, Misir, Yemen, Lîbya û Sûriyê xuyaye ku mirov bi şerê aştiyane jî dikare mafan bistîne. Tirk naxwazin kurd şerê aştiyane bikin, ew gelekî jê ditirsin, lê belê tim li serê çiyan bin. Eger hat û kurdan şerê aştiyane meşandin dê derew û hovîtiya tirkan ji tevaya dunyayê re eşkere bibe.

30/08/2011
www.qadoserin.com

Qado Şêrîn
Qado Şêrîn: Pêşî nakokiyên partiyan, dûre pirsa gel çareser dibe
Qado Şêrîn: Pêşî nakokiyên partiyan, dûre pirsa gel çareser dibe
Qado Şêrîn: Kurdên bakur çi bikin baş e
Siberoja reşbîn
Biratiya kurdan qediya
Çilrojiya Arşev û gazina ji nivîskaran
Gazin...(Arşevê Oskan)
Serê Kanyê û rûreşiya me
Bû du car Isma'îl Omer dimre!
Li Amûdê hemû pel şewitîn
Wexta tiving biaxivin
Reşbîn e, sedem partî ne
Pkk-Pyd û xirecira dîrokî
Wefadariya zindiyan bo miriyan
Yekîtiya Nivîskaran xewne!
Mixabin rewşa me ev e!
Partîno me biparêzin
Heçê ne bi me re, li dijî meye
Ji facebooka min a 2011an
Qedera zavayekî penaber
Tevgera me kilê çavê me ye, eger..
Serçimandina me M. Temo kuşt
Dema Şer qediya
Milet qeşitandina serokên kurdan dixwaze
Axaftina çi, ziqûma çi?
Bang ji bo malperên kurdî
‘’Îna Azadî’’ kurd azad kirin
Rexne; Rovî û sûk
Rêjîma kevir li ser kevir nehêle
Qado Sêrîn: Sûriye ya taybet, nûjen dibe!
Sûriyê ya taybet, nûjen dibe
Texmînên sala nû
Terorîzim. Teba çûn, terorîst hatin
Boykot, piştî çi?
Qado Şêrîn: Gotinê êvara dikevin qulê dîwara!
Qado Şêrîn: Gotinê êvara dikevin qulê dîwara